المحلة تواصل السقوك امام انبي

نجح فريق إنبى فى الفوز على غزل المحلة بثلاثة أهداف مقابل هدف، فى المباراة التى جمعتهما ظهر اليوم ضمن مباريات الأسبوع الثالث لمسابقة الدورى.

جاءت بداية الشوط الأول سريعة من الفريقين، وأهدر ديفونية فرصة مؤكدة لإنبى، ثم سدد محمد شعبان تسديدة قوية بجوار القائم الأيسر وأطلق أحمد رفعت تسديدة قوية تصدى لها المهدى سليمان حارس المحلة، وأحرز صلاح عاشور الهدف الأول لفريقه من ضربة رأسية فى الدقيقة الرابعة، وعزز نفس اللاعب تقدم فريقه بهدف ثانى فى الدقيقة 18، وقلص محمود يزيد لاعب المحلة الفارق عندما سجل هدف فريقه الوحيد فى الدقيقة 24 طرد بسببها رامى صبرى مدافع إنبى.

سجل أحمد رفعت الهدف الثالث لفريقه فى الدقيقة الخامسة من الشوط الثانى، وهدأت المباراة بعد هدف إنبى الثالث، وانحصر فى وسط الملعب، وحاول غزل المحلة العودة للمباراة مجدداً، من خلال السيطرة على وسط الملعب عن طريق محمد عبدالواحد وحسام فرحات وعادل مصطفى، وبالفعل سيطر المحلة تماماً على منطقة الوسط، واعتمد إنبى على دفاع المنطقة والهجمات المرتدة، لتنتهى المباراة بفوز إنبى1/3 وارتفاع رصيده إلى 4 نقاط، بينما تجمد رصيد المحلة عند نقطة واحدة.

في حاجة غلط انا مش عارف في اية انا حاسس ان الفرقه كويسه بس في حتجه نقصانا يمكن راس حربه صريح الله اعلم بس لازم نفوق مينفعش كده

الدفاع محتاج دفاع من الاخر

تمام الدفاع شوارع والهجوم عقيم يعني لا دفاع ولا هجوم يبقي لازم نتغلب

مفيش اي تجانس بين اللاعبين انا مش فاهم المباريات التجريبيه دي كان لزمتها ايه

المباريات الوديه لم تكن علي المستوي المطلوب عموما لابد من الفوز في المباراه القادمه

ربنا يستر علينا المرحله اللي جايه الفريق كده طمع فيه كل فرق المجموعة

صفقات البزنس عمرها ما تنفع

المحلة تحتاج الي دعم بلاعبين صغار السن صحيح في صفقات ولكن جميعها او غالبها لا تثبت نفسها لابد من التغير الان وعلي جعفر ان يكون اشرس من كده مع اللاعبين